اليوم موضوعنا بوست عن فكره للشباب يلي أعمارهم تحت ال28 عن كيفيه استفاده من السنه التدريبية. رح احكي عن حل او موضوع تاني ل يلي أعمارهم فوق ال 28 طبعا هالشي حتى الشباب بقدرا يستفادوا منه. 
المهم موضوعنا هو عن Ausbildung او التدريب المهني.
- شو يعني التدريب المهني؟ 
معناها انك بتتعلم مهنة لتلات سنين بشركه او معمل او مشفى الخ، بعد ما تخلصها بصير اسمك خبير مع شهاده معترف فيها رسميا في جميع دول العالم
- شروط التدريب المهني ؟
يكون عمرك فوق ال 18 ، نوع اقامتك مو مهم، عمرك مو مهم، شهادتك ادبي او علمي مو مهم. 
- خطوات التدريب المهني
متل ما ذكرت هنن تلت سنين اول سنه بتروح تلت ايام عالشغل و يومين عالمدرسه، السنه التانيه و التالته بتروح بس بالأسبوع مره عالمدرسه (حسب المقاطعة) باخر سنه بتقدم متل فحص نظري و عملي و اذا نجحت بصير عندك شهاده معترفه فيها رسميا باسم خبير. 
- شو هي المهن يلي بقدر أتدرب فيها ؟
تقريبا كل شي ، الا الطب او الحقوق يعني ما بتقدر تساوي تدريب مهني لتصير طبيب او محامي ، بس بتقدر تصير مساعد طبيب او خبير حقوقي، فيك تساوي بكل شي التدريب المهني، طباخ، معماري ، كهربجي، هندسات، الآي تي ..الخ
- في راتب ولا مافي راتب ؟ 
انت لما بتبلش بالتدريب المهني بنقطع عنك مساعدات الدوله يعني الجوب سنتر، بس بنفس الوقت انت بتاخود معاش شهري من المكان يلي عم تشتغل عندون و بتتقسم لتلات أقسام: 
- اول سنه 450-550 €
- تاني سنه 550-900€
- تالت سنه 900-1500€ 
(حسب المقاطعة و المهنه بس بكل الأحوال ما بتبلش اقل من 450€ شهريا) 
الجوب سنتر رح يقطع عنك راتبك الشهري و اجار بيتك اذا كنت فردي يعني عزابي. اما اذا كنت متزوج بس راتبك انت رح ينقطع زوجتك و أولادك ما دخلهم. غير هيك العزابيه يلي عم فكروا بهالموضوع انت لما بتبلش بالتدريب المهني فيك تقدم على مساعدات تانيه متل Bafög يعني راتب طلاب، Wohngeld مساعدة لتسديد اجار البيت. 
بالتوفيق للكل و برجع و بقول ثق بحالك و استفاد من وجودك ولا تخلي الغربه تأثر عليك

شكرا خاص لكاتب الموضوع Arras Marika

11 التعليقات:

  1. عفوا بس بالمقالة مكتوب بالبداية انو الآوسبيلدونغ للأشخاص اللي أعمارهن تحت 28
    و بعدها مذكور انو المهم العمر فوق 18 و ما مهم أديش ..
    ممكن توضيح هالفكرة ؟

    ردحذف
  2. لو هقدم كهرباء هيعوزو مستوى لغه ايه ؟

    ردحذف
  3. اللي عندو خبرة بمجال عملو عدد السنوات والراتب نفس الشي

    ردحذف
  4. ويلي ناجح بصف التاسع والعاشر والحادي عشر ومامعو شهادة تثبت هل شي شو بيعمل

    ردحذف
  5. ويلي ناجح بصف التاسع والعاشر والحادي عشر ومامعو شهادة تثبت هل شي شو بيعمل

    ردحذف
  6. اخي انا معي شهادة معهد بيطري فيني كمل بالآوس بيلدونغ. ارجو الرد وشكرا

    ردحذف
  7. اخي انا معي شهادة معهد بيطري فيني كمل بالآوس بيلدونغ. ارجو الرد وشكرا

    ردحذف
  8. أزال أحد مشرفي المدونة هذا التعليق.

    ردحذف
  9. أزال أحد مشرفي المدونة هذا التعليق.

    ردحذف
  10. أزال أحد مشرفي المدونة هذا التعليق.

    ردحذف

  11. معادلة كلية الهندسة

    مركز النور افضل مركز متخصص في معادلة كلية الهندسة مركز له باع طويل و خبرة سنين
    مركز النور بيقدم لجميع طلبة و طالبات معادلة كلية الهندسة جميع كتب المعادلة و افضل الملازم بشرح
    وافي مبسط

    مركز النور بيوفر كل احتياجات الطلبة لتأهيلهم لاجتياز امتحانات معادلة كلية الهندسة
    مع مركز النور هتحقق حلمك ان شاء الله بدخول كلية الهندسة جامعة القاهرة

    اتصل بنا 01093189974- 01118585670 – 01220911562

    http://www.equation-college-engineering.com/

    ردحذف

 
Top